Kryeministri shqiptar Edi Rama gjatë ditës së djeshme në konferencën e përbashkët me Frederica Mogherinin ndërsa i është përgjigjur deklaratave të fundit të kryeministrit Ramush Haradinaj për një plan mes tij, Thaçit e Vuçiqit për copëtimin e Kosovës ka përdorur fjalë fyese, që sipas të gjitha gjasave shkonin në drejtim të kryeministrit Ramush Haradinaj.

Ndaj këtyre deklaratave ka reaguar Zëvendësministri i Punëve të Jashtme, Anton Berisha i cili ka thënë se raportet ndërmjet Kosovës e Serbisë, nuk mund të jenë sport i batutave e as i aktrimeve spektakolare, shkruan Reporteri.net.

Sipas Berishës përpjekjet e kujtdo që bëhet pjesë e strategjisë së Serbisë për ta zhbërë shtetësinë e Kosovës, do të marrin përgjigjen se Kosova është gjaku i çdo shqiptari që nuk falet.

Postimi i plotë:

Perpjekja e sotme e kryeministrit shqiptar, Rama per te imituar Umbero Econ ishte redukuese si ne “stilin letrar”, ne nocionet e botes se internetit dhe çka eshte kryesorja ne permbajtje.
Raportet ndermjet Kosoves e Serbise, nuk munde te jene sport i batutave e as i aktrimeve spektakulare.
Ato raporte, ka qindra vjet, qe kane renduar kombin shqiptar qe padrejtesisht u vu ne kornizen e shteteve sllave me pasoja te renda, e qe gjeten zgjidhjen ne vitin 1999.
Perpjekja per ta zhbere shtetin e Kosoves, eshte strategji permanente e Serbise, dhe kushdo qe me ose pa vetedije behet pjese e saj, do te merr pergjigjen e poetit tone, Podrimja, se Kosova eshte gjaku ynë qe nuk falet.
Kryeministri Ramush Haradinaj, ashtu si edhe dhjetera mijera shqiptare ne ketë qindvjetesh, e ka te provuar me gjakun e vet!