Artistët me protestë simbolike ndaj Qeverisë: Teatrot të hapen tani

Teatrot në vend janë mbyllur për shkak të pandemisë Covid-19 dhe prej muajit mars po qëndrojnë të mbyllura.


Kjo ka bërë që artistët përmes një proteste simbolike të kërkojnë hapjen e tyre.

Me moton: “Teatrot të hapen tani!”, artistët kosovarë po kërkojnë hapjen e teatrove nga Qeveria e Kosovës.

Aktorët, regjisorët dhe skenaristët, janë duke kërkuar që teatri të hapet nga Qeveria e Kosovës, etcila ende nuk ka deklaruar asgjë lidhur me këtë.

Në rrjetet sociale, artistët janë duke protestuar në mënyrë simbolike për hapjen e teatrove me moton: “Teatrot të hapen tani!”.

Ernest Zymberi, Myrvete Kurtishi, Agan Asllani, Kushtrim Qerimi, janë vetëm disa nga aktorët që kanë publikuar fotografi ku shihen duke e mbajtur në dorë kërkesën për hapjen e teatrove.