Janë zbuluar 300 kilogramë kokainë në portin e Durrësit. Sasia e madhe e drogës u gjet në kamionin që vinte tranzit nga Maqedonia e Veriut dhe kishte destinacion Italinë. Mësohet se drejtuesi i kamionit shtetasi Nafiz. A, nga Maqedonia e Veriut, kishte hyrë në vendin tonë nga Qafë-Thana dhe do të nisej ditën e nesërme drejt shtetit italian.
Gjatë kontrollit në vijën e dytë të pikës kufitare të Portit, pasi u shkarkua sasia e mallit me materiale hekuri, u gjetën 40 pako të cilat ishin ambalazhuar me logon e 6 kompanive të ndryshme, që nga skuadra e basketbollit e deri tek firma të njohura të modës si Dior.
Policia kufitare po vazhdon punën për peshimin e sasisë së saktë të drogës ndërsa thuhet të jetë një sasi prej 300 kiligramë të llojit kokainë.
Shoferi i kamionit është arrestuar, ndërsa ka shprehur habinë për sasinë e drogës të zbuluar. Ai pritet që të merret në pyetje në praninë e një përkthyesi.