Kuvendi e shkarkoi me 104 vota nga posti i presidentit, kështu reagon Ilir Meta

Ilir Meta ka reaguar pasi Kuvendi i Shqipërisë votoi me shumicë për shkarkimin e tij nga Presidenca.


Përmes një postimi në rrjetin social Facebook, Meta duket se e ka marrë me sportivitet shkarkimin, shkruan Reporteri.net.

Ai shpërndau linkun e lajmit të një pjese të fjalimit të deputetit të opozitës Selami Jenishehri, i cili bëri një gafë dhe tha se koalicioni i tij do iu dalë zot, nipërve dhe mbesave tona pensionist, të cilët iu është mohuar e drejta e votimit.

“Të dashur miq, ju uroj një pasdite të qetë, relaksuese dhe të qeshur duke ju përshëndetur të gjithëve me këtë thënie frymëzuese!”, ka shkruar Meta në përshkrimin e lajmit.

Ndryshe, 105 nga ligjvënësit e Shqipërisë votuan pro shkarkimit të Metës, 7 votuan kundër dhe 3 abstenuan.

Vendimi i Kuvendit tani duhet të shkojë për shqyrtim edhe në Gjykatën Kushtetuese, ku kërkohen minimalisht 5 vota që ai të miratohet dhe që përfundimisht Ilir Meta të largohet nga detyra e kreut të shtetit.

Ilir Meta ka hyrë sot në histori si Presidenti i parë i shkarkuar nga Kuvendi i Shqipërisë.

Postimi i plotë i Metës:

/Reporteri.net