Aksident me pasojë vdekjen në aksin Kamëz-Rinas. Një 16-vjeçar i cili lëvizte me biçikletë është përplasur nga një automjet tip “Benz” dhe për pasojë ka humbur jetën.

Viktimë e këtij aksidenti ka mbetur O. Ç.,16 vjeç, banues në Domje.

Policia ka arrestuar drejtuesin e automjetit A.H, 25 vjeç, banues në Kamëz.

Njoftimi i policisë

Nga Seksioni OPGJ-ve në Komisariatin Rajonal të Policisë Rrugore Tiranë u bë arrestimi i shtetasit A. H.,25 vjeç, banues në Kamëz.

Arrestimi i tij u bë pasi, në rrugën, me sens lëvizjeje nga Kamza për në rrugën e Rinasit, duke drejtuar mjetin tip “Benz” ka aksidentuar me pasojë vdekjen, çiklistin shtetasin e mitur O. Ç.,16 vjeç, banues në Domje.

Materialet i kaluan Prokurorisë për veprime të mëtejshme.