Çfarë do të ndodh me sezonin e Serie A është një ndër misteret që po qarkullon më së shumti nëpër medat italiane.
Gadishulli apenin është vendi më i prekur nga koronavirusi në mbarë botën, sidomos veriu i vendit aty nga vijnë skuadrat më të forta të Italisë, shkruan Indeksonline.
“Calciomercato” ka bërë një shkrim për fatin e kampionatit nëse vendoset për më të keqen, anulimin e të gjitha garave për këtë vit.
Në këtë rast, sezoni 2019/20 nuk do të ketë kampion por ajo që duhet të zgjidhet është fati i skuadrave që do të luajnë në Evropë.
Sipas tyre në sezonin e ardhshëm do të përfaqësojnë skuadrat që ishin këtë vit, Juventus, Napoli, Inter dhe Atalanta në Ligën e Kampionëve ndërsa Milan, Lazio dhe Roma në Europa League.
Padyshim skuadra më e dëmtuar në këtë skenar do të jetë Lazio që është duke kaluar një sezon fantastik.
Gjithashtu nuk do të ketë lëvizje as për skuadrat e fundit, ku edhe për një sezon do të qëndrojnë në ligë.