Ish zyrtari i VV-së: Në Vetëvendosje aktivistët i çiftojnë mes vete, për të mos u përzier me parti tjera

Debatit dhe replikave të ashpra ndërmjet zyrtarëve të PDK-së dhe Vetëvendosjes i është bashkuar edhe një ish-koleg i Dardan Molliqajt, i cili këtij të fundit ia ka dhënë edhe një goditje të re.


Ish-koordinatori i Lëvizjes Vetëvendosje në Pejë, Arton Muhaxheri, i cili tash është pjesë e PDK-së, ka shkruar se Molliqaj si iniciator i shumë veprimeve kriminale po mendon që me Kosovën mund të sillet si me aktivistë të Vetëvendosjes, duke kërcënuar dhe shantazhuar.
Lëvizjen Vetëvendosje, Muhaxheri e ka quajtur edhe organizatë kriminale, që dhunën e përdor si mjet politik.


“Dardan Molliqaj, ky iniciator i shumë veprimeve kriminale, po mendon që me Kosovën mund të sillet siç sillet me aktivistë në Vetëvendosje, duke kërcënuar dhe shantazhuar gjithë ata që nuk pranojnë mendimet dhe veprimet e tij.


Madje, aq larg shkon mendësia e tij dhe këlyshëve të tij, saqë edhe aktivistët e tyre i çiftojnë mes veti për të mos e përzier gjakun me të partive të tjera.


Lëvizja Vetëvendosje është organizatë kriminale, që dhunën e ka përdorur si mjet politik, kurse të rinjtë e shpërlarë ideologjikisht si agjentë për ekzekutimin e urdhrave të Molliqajt.
Sa më herët që kuptohet kjo nga të gjithë, aq më mirë!”, ka shkruar Muhaxheri.
 

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s'kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.