Pasditen e së mërkurës një qytetare është ndeshur me një parregullsi shqetësuese në Klinikën e Pediatrisë në QKUK.

Ajo ka raportuar se nuk ka hasur në asnjë mjek në këtë klinikë.

Në videon e dërguar në redaksinë e Gazeta Online Reporteri.net, qytetarja në fjalë thotë se ka pritur aty për dy orë të tëra, derisa asnjë mjek nuk ka qenë i pranishëm në klinikë.

Edhe në pamjet e dërguara në redaksi, si dëshmi, shihet qartë se në dhomën ku qëndrojnë infermierët e Klinikës së Pediatrisë është totalisht bosh, e poashtu edhe në ambientet e tjera të kësaj klinike të QKUK’së nuk shihet asnjë infermierë apo mjek i pranishëm.

VIDEO: