Në Kuvendin e Kosovës ka dështuar të votohet themelimi i komisionit hetimor parlamentar për tenderët njëburimor, përcjell Reporteri.net.
Dështimi, ndodhi për shkak të mungesës së kuorumit pasi vetëm 26 deputetë morën pjesë në votim. Deputetët e pushtetit, ata të Vetëvendosjes, nuk morën pjesë në votim.
Deputetët e Kuvendit të Kosovës të enjten mbajtën seancë të jashtëzakonshme të thirrur nga PDK-ja, me një pikë të rendit të ditës, atë të themelimit të Komisionit Hetimor Parlamentar për procedurat e prokurimeve të negociuara pa publikim të njoftimit për kontratë, në ministri dhe në ndërmarrje publike qendrore.