Me dy vjet burgim është dënuar ish-ministri i Administratës dhe Pushtetit Lokal (MAPL), Ivan Todosijeviq.
Ai është shpallur fajtor këtë të enjte për deklaratat që i kishte bërë në lidhje me shqiptarët dhe masakrën e Reçakut, të cilën e kishte quajtur trillim.
Ai akuzohej “nxitje të urrejtjes, përçarjes ose mos durimit kombëtar, racor, fetar apo etnik”.
Ndaj vendimit ka reaguar drejtori i Zyrës për Kosovën në Qeverinë e Serbisë, Marko Gjuriq, i cili nuk i ka kursyer shpifjet dhe cilësimet denigruese ndaj autoriteteve të Kosovës pas dënimit të Todosijeviqit.
Siç raporton agjencia serbe e lajmeve, FoNet, Gjuriqi ka thënë se “shovinistët shqiptarë edhe zyrtarisht kanë suspenduar të gjitha të drejtat e popullit serb në Kosovë e Metohi për liri të mendimit e të fjalës, duke e dënuar Ivan Todosijeviqin me dy vjet burgim”, transmeton Koha.net.
“Të gjithë ne jemi Ivan Todosijeviqa!” – e ka shqiptuar ai slloganin, si dikur për diktatorin Tito, pas vdekjes së tij.