Vendet e prekura nga coronavirusi janë në numër të madh, që nga shpërthimi në Wuhan në dhjetor të vitit 2019.

---

Megjithatë, ndërsa një numër vendesh kanë konfirmuar rastet e dyshuara të COVID-19, disa prej tyre patën një “psherëtimë lehtësimi” kur testet për coronavirus dolën negativ.

Ndërkohë, derisa deri më tani është folur për vendet e prekura, më poshtë është një listë e vendeve ku të gjitha rastet e dyshuara të coronavirusit të ri kanë dalë negativ në teste, duke rezultuar në mos përhapje të konfirmuar të virusit, shkruan pharmaceutical-technology, përcjell Telegrafi.

Organizata Botërore e Shëndetit (OBSH) e ka përshkruar pandeminë e coronavirusit si përcaktimin e krizës globale shëndetësore të kohës sonë dhe u bëri thirrje vendeve të testojnë të gjitha rastet e dyshuara të COVID-19.

Në nivel global, virusi ka infektuar pothuajse 180,000 persona, ndërsa 7,000 të tjerë kanë ndërruar jetë. Sipas OBSH-së, 80 mijë persona janë shëruar.

Republika e Palau

Republika e Palau njoftoi një rezultat negativ të testit për një rast të dyshuar më 9 mars. Dyshohet se ishte një grua 73-vjeçare që mbërriti nga SHBA.

Mostrat e saj u dërguan në Tajvan për testimin e coronavirusit dhe u njoftuan si negative.

Tongo

Një grua 21-vjeçare raportohet të ishte rasti i parë i dyshuar i vendit, e testuar negative për COVID-19.

Ajo u pranua në spital pasi tregoi simptoma të sëmundjes. Mostrat e saj u dërguan në një laborator në Australi, ku u konfirmuan se ishin negative.

Mostrat janë dërguar në Zelandën e Re për konfirmim shtesë.

Ishujt Solomon

Ishujt Solomon raportuan katër raste të dyshuara të coronavirusit më 10 shkurt në bordin e anijes MV Expert, e cila u fut në provincën Rennell dhe Bellona të vendit.

Mostrat e marra nga të katër rastet u dërguan në Laboratorin e Referencave të Sëmundjeve Infektive Victorian (VIDRL) me seli në Melburn, Australi për testime dhe u njoftuan të jenë negative.

Fixhi

Një rast i dyshuar i infeksionit COVID-19 u raportua në Fixhi në 19 shkurt të një gruaje 37-vjeçare që u kthye nga Japonia.

Ajo u vendos në izolim në Spitalin Labasa në veri të Fixhit, pasi raportoi simptoma të frymëmarrjes.

Mostrat e marra prej saj u dërguan në një laborator referencë të OBSH-së në Melburn, Victoria dhe raportuan të jenë negative.

Barbadosi

Barbados ka njoftuar se të gjitha rastet e dyshuara në vend janë raportuar negative, megjithëse numri i saktë i rasteve të dyshuara nuk është zbuluar, shkruan në artikullin e pharmaceutical-technology, përcjell Telegrafi.

Tri rastet e fundit të dyshuara për t’u raportuar ishin në anijen lundruese Costa Magica, e cila u fut në Barbados pasi u mohua hyrja nga Tobago. Të tre rastet u raportuan të ishin negative.

Siria

Dy raste të dyshuara të infeksionit me coronavirus u njoftuan në Siri dhe më vonë dolën negativ për virusin.

Të dy burrat u pranuan në një spital pasi u sëmurën dhe ishin në kontakt me një person nga Irani.

Testet zbuluan se të dy personat vuanin nga pneumonia dhe ishin trajtuar për indikacion. Njëri prej tyre është liruar nga spitali.

Qeveria siriane njoftoi disa masa paraprake për të kontrolluar përhapjen e sëmundjes, përfshirë pezullimin e përkohshëm të hyrjes së të gjithë turistëve që vijnë nga rajonet e prekura.

Botsvana

Gjithsej pesë raste të dyshuara të infeksionit me coronavirus u raportuan në Bostvana. Të gjitha rastet kanë dalë negative në testet për infeksionin siç raportohet nga qeveria e Bostvanës më 05 shkurt.

Rasti i parë i dyshuar me coronavirus në Botsvana u regjistrua në 30 janar, njoftoi Ministria e Shëndetësisë më 31 janar.

I dyshuari mbërriti në një fluturim Ethiopian Airways nga Kina dhe është i izoluar dhe po hetohet.

Angola

Rasti i parë i dyshuar me coronavirus në Angolë u raportua në 29 janar. I dyshuari është një shtetas kinez që aktualisht është nën vëzhgim në një klinikë në Luanda.

Mostrat e tij kanë dalë negative për virusin.

Angola ka ngritur një karantinë të detyrueshme për të gjithë pasagjerët që vijnë nga Kina.

Më poshtë është lista e disa prej vendeve që nuk kanë raportuar ndonjë rast të dyshuar ose të konfirmuar të coronavirusit – sipas pharmaceutical-technology, përcjell Telegrafi:

Belize

Burundi

Cape Verde

Republika Qendrore e Afrikës

Çadi

Comoros

Koreja e Veriut

Dominica

El Salvador

Eritrea

Grenada

Guinea-Bissau

Haiti

Kiribati

Kirgistani

Madagaskari

Malawi

Mali

Mauritius

Mozambiku

Nauru

Nikaragua

Nigeri

Papua Guinea e Re

Venezuela

Jemeni

Sierra Leone

Suriname

Taxhikistani

Bahamas

Gambia

Turkmenistani

Tuvalu

Uganda

Vanuatu

Zambia