Kryeministri i Kosovës, Albin Kurti, është nisur për vizitë zyrtare në Estoni.
Kështu ka njoftuar Zyra e Kryeministrisë përmes një njoftimi për media, shkruan Gazeta Online Reporteri.net.
Sipas njoftimit, Kurti në Estoni do të pritet nga homologia e tij, Kaja Kallas.
“Kryeministri i Republikës së Kosovës, Albin Kurti ka udhëtuar për vizitë zyrtare në Estoni. Nesër do të pritet në takim nga Kryeministrja e Republikës së Estonisë, Kaja Kallas, dhe do të ketë takime me përfaqësues të tjerë të lartë shtetëror”, thuhet në njoftim.
Kujtojmë se të mërkurën Kryeministri Kurti kreu vizitën e tij në Gjermani. Para saj, ai ka qëndruar për vizitë në Francë e Austri. /Reporteri.net/.