Kryetari i Partisë Demokratike të Kosovës, Kadri Veseli, ka bërë bashkë në një tryezë të gjithë deputetët e partisë së tij.
Ai ka theksuar gatishmërinë që partia e tij të punojë nga opozita, duke thënë se vendi ka nevojë për qasje serioze, shkruan Reporteri.net.
Ndër të tjera, ish-kryeparlamentari ka thënë se është e nevojshme që sa më shpejt të krijohen institucionet.
“Me deputetët e Partisë Demokratike të Kosovës, për të diskutuar rreth domosdoshmërisë që sa më shpejtë të krijohen institicionet e reja të dala nga zgjedhjet e 6 tetorit. Në opozitë, deputetët e PDK-së do të jenë zëri i qytetarëve të Kosovës. Vendi ynë ka nevojë për qasje serioze nga të zgjedhurit e popullit dhe ne nuk do të ndalemi së punuari që Kosova të ecë përpara, e kurrsesi të vendnumërojë ose shënojë regres”, ka thënë Veseli.
Sidoqoftë, PDK-ja është forca e tretë në Kuvend, pasi ka marrë 24 deputetë në zgjedhjet e 6 tetorit, 4 më pak se LDK dhe 5 më pak se VV./Reporteri.net