Kryeministri i Kosovës, Avdullah Hoti gjatë ditës së djeshme ka udhëtuar për në Bruksel, ku pritet të nisë dialogu me Serbinë.

Hoti para kësaj vizite ka marrë lëvdata, jo për rinisjen e bisedimeve por për një çështje krejtësisht tjetër.

Ai në kryeqytetin evropian ka udhëtuar në klasën ekonomike e jo në atë të biznesit, duke kursyer kështu paratë e taksapaguesve, shkruan Reporteri.

Për këtë Hoti ka marrë lëvdata nga shefi i EULEX-it, Lars-Gunnar Wigemark, i cili ka thënë se ky është shembull që duhet të ndiqet edhe nga politikanët tjerë të Ballkanit.

“Heqim kapelat për kryeministrin e Kosovës, Avdullah Hoti, i cili sot udhëtoi me ne në klasën ekonomike në aeroplanin Prishtinë – Vjenë dhe më pas në aeroplanin nga Vjena në Bruksel. Sa kryeminsitra të tjerë të Ballkanit Perëndimor do t’i kursenin të hollat e taksapaguesve në këtë mënyrë?”, ka shkruar Wigemark.

Hats off for #Kosovo 🇽🇰 Prime Minister @Avdullah Hoti who today travelled with the rest of us in economy class on the ✈️ Pristina to Vienna and on the ✈️ below from Vienna to Brussels. How many other Western Balkans’ Prime Ministers would save on tax payers money in such a way? pic.twitter.com/XiOmXyY5w7

— Lars-Gunnar Wigemark (@LarsGWigemark) July 14, 2020

Kujtojmë se të enjten pritet të takohen për herë të parë, kokë më kokë kryeministri i Kosovës, Avdullah Hoti dhe presidenti i Serbisë, Aleksandër Vuçiq./Reporteri