Një ditë para se Gjykata Speciale të kryejë arrestimin e parë në Kosovë, Dhomat e Specializuara publikuan 12 dokument-rregullore në lidhje me njësinë e Paraburgimit në Hagë.

Këto dokumente u publikuan më 23 shtator 2020 në faqen zyrtare të Dhomave të Specializuara dhe Zyrën e Prokurorit të Specializuar për Kosovën, shkruan Reporteri.net.

Në mesin e udhëzimeve është edhe udhëzimi i Zyrës Administrative për kufizimet e përgjithshme mbi vizitat për shkak të Covid-19.

Ndërkohë sot, Dhomat e Specializuara kanë njoftuar për arrestim e parë të kryer në Kosovë, ndaj një ish-pjesëtari të UCK-së të dyshuar për krime lufte, të cilit iu është konfirmuar aktakuza nga Haga.

Fjala është për Salih Mustafen, ish-eprorin e UÇK-së në zonën Operative të Llapit, i cili e ka drejtuar njësitin të quajtur BIA.

Gjykata Speciale konfirmon aktakuzën e parë për krime lufte – Salih Mustafa i akuzuari i parë nga Haga

Sipas njoftimit, Mustafa u dërgua në paraburgim në Hagë.

“Z. MUSTAFA po transferohet në objektin e paraburgimit të Dhomave të Specializuara të Kosovës në Hagë dhe do të dalë para gjykatësit të procedurës paraprake pa vonesë të papërligjur”. /Reporteri.net/.

Gjykata Speciale konfirmon se ka nisur arrestimet në Kosovë – Sali Mustafa u dërgua në paraburgim në Hagë