Nënkryetari i Aleancës për Ardhmërinë e Kosovës, njëherësh ministër në detyrë i Infrastrukturës dhe Transportit i Kosovës, Pal Lekaj, e ka akuzuar liderin e Vetëvendosjes, si fajtorin kryesor për mos arritjen e marrëveshjes me Lidhjen Demokratike të Kosovës.

Lekaj në një intervistë në T7, me fjalor të njejtë sikurse Memli Krasniqi i PDK’së ditë më parë, ka thënë se Kurti po bënë videolojëra.

“Faji më i madh për pazare politike dhe për moskompromis është i Albin Kurtit”, ka deklaruar Lekaj.

Ai ka paralajmëruar jetë të shkurtër për qeverinë e ardhshme, nëse do ta udhëheqë Kurti.

“Habitem që quhet qeveri e shpresës. Do të has sharra në gozhdë pas një viti”, ka thënë nënkryetari i AAK’së.