Policia e në Tiranë kanë arritur me kohë që të parandalojnë një ngjarje kriminale në familje, ku një 41-vjeçar ka kanosur me armë zjarri, familjarët e tij.
“Shërbimet e Komisariatit të Policisë Nr. 6, pas marrjes së njoftimit për një shtetas që kishte kanosur me armë zjarri, familjarët e tij, në lagjen “Misto Mame”, menjëherë kanë organizuar dhe finalizuar operacionin policor të koduar “Afternoon”. Në kuadër të këtij operacioni u bë kapja dhe arrestimi në flagrancë i shtetasit: J. Xh., 41 vjeç, banues në Kombinat”, thuhet në njoftimin e policisë.
J.Xh., po dyshohet se mbrëmjen e djeshme, gjatë një konflikti për motive të dobëta, ka kanosur familjarët e tij, me armë zjarri (kallashnikov), e cila u sekuestrua në cilësinë e provës materiale.
Materialet i kanë kaluar Prokurorisë, për veprime të mëtejshme procedurale.