Detaje të reja për plagosjen e 6 vjeçarit: U qëllua me tre plumba në fytyrë, shënjestër ishte babai

Një fëmijë 6 vjeç është plagosur me armë zjarri në Bulqizë. Ngjarja ka ndodhur në fshatin Krastë të Martaneshit. Fëmija ka marrë 3 plumba në pjesën e fytyrës.


Shënjestër e atentatit ka qenë babai i 6-vjeçarit. Autor dyshohet se është Jetmir Koxherri.

Pas konfliktit që Koxherri pati me babain e të miturit, ka marrë një armë automatik dhe ka shkuar në banesë për ta vrarë. Për fat të keq plumbat kanë kapur fëmijën, i cili mbeti i plagosur rëndë.

I mituri është dërguar në spital rajonal të Dibrës, ndërsa pritet një helikopter për ta transportuar për në Tiranë, pasi ndodhet në gjendje të rëndë.

Ndërkohë policia ka arrestuar autorin e kësaj ngjarje të rëndë, Jetmir Koxherrin.