“Do e hamë keq…” publikohen përgjimet mes autorëve të grabitjes në Rinas

Sipas dosjes së dorëzuar në gjykatë, të ndaluarit për grabitjen në Rinas Saimir Çela, Renaldo Sula dhe Oltian Veseli janë vendosur në përgjime ambiental gjatë shoqërimit në polici.


Të pandehurit janë munduar të jenë të kujdesshëm në komunikim, por në disa momente kanë humbur dhe kontrollin.

Sajmir Çela: Tersi, e dijsha

Renaldo Sula: Ej a e kanë marrë vesh ata.

Renaldo Sula: Qysh t’ja bëjmë, qysh t’ja bëjmë ëë? Do paguajnë ato k…do e hamë keq, do e hamë keq

Sajmir Çela: Mos thuaj gjë.

Pikërisht këto të dhëna lënë të kuptuar diskutimin sipas prokurorisë për pjesëmarrjen në grabitje.

Materialet procedurale i kaluan Prokurorisë Pranë Gjykatës së Shkallës së Parë për Krime të Renda Tiranë, për veprën penale te “Vjedhjes me armë të kryer në bashkëpunim, në kuadër të grupit të strukturuar kriminal”, “Mbajtjes pa leje të municioneve luftarake”, “Vrasje e punonjësve të policisë, e kryer ne bashkëpunim e mbetur në tentativë”, parashikuar nga nenet 140 e 25 dhe 333/a,” 279, 79 b dhe 278 C, të Kodit Penal”, njofton sot policia për arrestimin e Ragip Hajdinit.