Sali Berisha: Rama, Thaçi e Haxhiu tradhëtarë të kombit

Presidenti Hashim Thaçi ka zhvilluar sot takim kryeministrin shqiptar Edi Rama në Tiranë, në të cilin kanë biseduar për përgatitjet rreth Samitit të Parisit.


Ndaj këtij takimi ka reaguar ish-kryeministri i Shqipërisë, Sali Berisha, i cili takimin në fjalë po e cilëson si një takim nga i cili valëvitej flamuri i Serbisë së Madhe, dhe bëheshin përpjekje që të mbahej gjallë ideja për copëtimin e Kosovës.

Berisha ka thënë se në këtë takim në Tiranë, ata kanë diskutuar se si ta bindin Aleksander Vuçiqin për ta mbajtur ende gjallë projektin e ‘Serbisë së Madhe’.

Sipas Berishës, Thaçi e Rama pas goditjes së madhe që morën në Samitin e Berlinit, po mundohen që të fshehin dështimin e tyre, duke u shfaqur nëpër ekrane televizive për të shpifur me një gjuhë ‘halabkësh’.

Në këto pazare, Berisha thotë se bashkë me Ramën e Thaçin është edhe Baton Haxhiu.

Kujtojmë se mbrëmë në një emision televiziv Thaçi bëri akuza të mëdha ndaj Berishës duke e quajtur argat të Millosheviçit, dhe e ka furnizuar me armë që ta vazhdonte gjenocidin në Kosovë.

 

Reagimi i plotë i Berishës.

Takohen ne Tirane Zografi Bis, Argati i Beogradit dhe Baton Stanishiq!

Miq, Zografi Bis, Argati i Beogradit dhe Baton Stanishiqi te damkosur dhe denatyruar përfundimisht nga Samiti i Berlinit, u takuan sot ne Tirane.

Ky takim kishte vetëm një qellim, te mbanin fort ne duart e tyre te zeza flamurin e Serbisë se Madhe pasi projekti i tyre antikombëtar antishqiptar u varros ne Samitin e Berlinit dhe ata te shpërfytyruar u paraqiten ne një rast unik ne historinë e samiteve si tregtare te tokave te tyre.

Pas këtij dështimi, Zografi Bis, Miladini shqipfolës dhe Baton Stanishiqi, fytyre nxire kalojnë nga ekrani ne ekran duke i shndërruar ato ne shpiftore duke besuar se me gjuhen e halabakeve ordinere, shpifësve vulgar, banditëve apatride mund te mbulojnë aktin e tyre ne Samitin e Berlinit, me te cilin ne funksion krijimit te Serbisë se Madhe “zgjeronin” Kosovën duke e copëtuar atë.

Ne takimin e sotëm, këta apatride pengje te te shkuarës se tyre kriminale antikombëtare, diskutuan gjerësisht se si te bindin patronin e tyre Vuçiç te mos tërhiqet nga projekti i Serbisë se Madhe dhe për përpjekjet e tyre te reja qe duhet te bëjnë për te përdorur edhe me tej idenë e ”zgjerimit “te Kosovës dhe “bashkimit” te saj me Shqipërinë duke e copëtuar atë dhe zhdukur shtetin e saj ne funksion te serbomadhise.

Me kete rast denoj me ashpersine me te madhe keto perpjekje antikombetare destabilizuese dhe luftenxitese te Zografit Bis, Miladinit shqipfoles dhe Baton Stanishqit dhe i paralajmeroj ata se koshi i plehrave te historise do te jete banesa e turpit e tyre! sb

Foto më poshtë e postuar nga Berisha:

Thaçi: Berisha argat i Millosheviçit, e ka furnizuar me armë që ta vazhdonte gjenocidin në Kosovë