Tashmë ka përfunduar gjithçka në takimin e xhiros së 24’të në Premierligë ndërmjet Chelseas dhe Arsenalit.

Dy skuadrat e mëdha angleze u takuan sot për të na dhuruar spektakël të vërtetë nga stadiumi “Samfort Bridge”, shkruan Reporteri.net.

Goli i parë u shënua nga skuadra e Chelseas, ku Jorginho shënoi për rezultati 1:0 në minutën e 28 të takimit, gol ky që erdhi nga pika bardhë.

Ndërkaq, në minutën e 63’të takimit u barazuan shifrat në 1:1 përmes Martinellit. Gjithçka e barabartë po shkonte në derbin anglez, ku në skenë doli Azpilicueta i cili ia dhuroi epërsinë Chelseas në minutën e 85’të të takimit.

Por, kur po mendohej se Lampard do ta fitonte këtë takim, në skenë doli Bellerin i cili barazoi shifrat në 2:2, ku ky edhe ishte rezultati final i këtij takimi./Reporteri.net/