Prishtina është fituese e Superkupës së Kosovës.

Kryeqytetasit triumfuan me rezultat 3 me 1 ndaj Dritës në ndeshjen e luajtur në stadiumin “Mardan”.

Pas ndeshjes është prononcuar trajneri i skuadrës së Prishtinës, Zekirija Ramadani.

“Ishin 90′ minuta që vendosen ndeshjen, në pjesën e parë kemi pasur iniciativa. Pastaj, në pjesën e dytë, Drita kishte iniciativën, por ne patëm mundësi më të mira për gol. Unë mendoj se ishte një finale dhe ndeshje e vërtetë. Fitoren ua kushtoj tifozëve tanë, “Plisave”, tha shkurtimisht Ramadani për Art Motion.

Kjo është Superkupa e 10-të e fituar nga kryeqytetasit të cilët kanë shpërthyer menjëherë në festë pas këtij triumfi.