Eric Maxim Choupo-Moting ishte heroi i Parisit pasi shënoi golin e fitores kundër Atalantas në minutën e 93-të

PSG e përmbysi Atalantan duke e mposhtur me rezultat 2-1 në ndeshjen çerekfinale të Ligës së Kampionëve, shkruan Reporteri.net

Atalanta ishte duke fituar 1-0 deri në minutën e 90-të, kur Marquinhos barazoi rezultatin, derisa më pas në minutën e 93-të Choupo-Moting shënoi golin e fitores.

Pas ndeshjes sulmuesi i Parisit ka thënë se ishte një përballje e vështirë.

“Ishte një ndeshje e çmendur, një lojë dhe kundërshtar i vështirë”, ka deklaruar Choupo-Moting.

“Mendoj se kemi treguar deri në momentin e fundit që besuam në veten tonë.

“Nuk ishte e lehtë sepse kishim disa raste të mira që për fat të keq nuk mundëm t’i shënonim,”. /Reporteri.net/