‘Habitet’ Agim Ademi – zbulon klubin e ardhshëm të Milot Rashicës

Kryetari i Federatës së Futbollit të Kosovës, Agim Ademi ka qenë i ftuar në emisionin Oxygen te Besim Dina.


Ai ka folur për futbollin e Kosovës në përgjithësi dhe për hapat që ka shënuar Kombëtarja e Kosovës vitin e fundit, shkruan Reporteri.net

Duke folur për futbollistët e Kosovës, konkretisht për lojtarin më të mirë të saj, Milot Rashicën, Ademi ka zbuluar një detaj interesant për yllin kosovar.

Ademi ka thënë se Milot Rashica kërkohet së paku nga 7-8 klube nga Premierliga angleze, por si duket një ekip nga Bundesliga do t’i fitojë shërbimet e tij.

“Rashica është një prej futbollistëve që është i kërkuar dikund nga 7-8 klube të Anglisë, por si duket Bayerni (Munchen) nuk po don me e lanë me dalë prej Gjermanisë. Unë besoj që edhe këtë sezon do të luaj në Werder Bremen”, ka thënë Ademi.

Momentin e gjeni nga minuta 01:30′

Ndryshe për Rashicën është interesuar skuadra gjigante nga Portugalia, Benfica e cila kërkon zëvendësuesin e Joao Felix i cili pritet të largohet në drejtim të Atletico Madridit.

Benfica ka ofruar 18 milionë euro në drejtim të Werderit për Rashicën, por ka qenë i shpejtë reagimi i klubit të cilët e kanë refuzuar ofertën e tyre./Reporteri.net/