Ndeshja e Kosovës me Maqedoninë e Veriut mund të shtyhet përsëri

Javë më parë, shtëpia më e futbollit evropian, UEFA vendosi që ndeshjet e muajit mars të shtyhen për në muajin qershor.


Këtu bën pjesë edhe Përfaqësuesja e Kosovës, e cila tani është e detyruar të presë deri në qershor për ndeshjen e Ligës së Kombeve me Maqedoninë e Veriut.

Saktësisht, ndeshja mes Maqedonisë së Veriut dhe Kosovës do të luhet më 4 qershor.

Megjithatë, mediumet sportive në botë raportojnë se futboll në Evropë nuk mund të ketë deri në maj, shkruan Zëri.info.

Dhe si pasojë e kësaj, as ndeshja e Kosovës në fillim të muajit qershor nuk mund të zhvillohet.

Andaj, është duke u spekuluar se ndeshjet në fjalë në kuadër të UEFA-s mund të shtyhen për muajin shtator.