Konfirmohet ajo çka e tha Reporteri.net: Milani i vjen Feronikelit në Kosovë

Është zyrtarizuar ardhja e gjigantit italian Milan në Kosovë.Kuqezinjtë do të luajnë në stadiumin Fadil Vokrri në Prishtinë një ndeshje miqësore.


Kundërshtari i Milanit në këtë takim do të jetë kampioni në fuqi i Kosovës, Feronikeli. Lajmi është konfirmuar nga organizatori i kësaj ndeshje Agron Selimi.

Ky i fundit ka postuar një foto në profilin e tij në Facebook së bashku me kryetarin e Niklit, Naser Ramaj.

Lajmin për Reporteri.net e ka konfirmuar edhe Erlind Krasniqi zëdhënës i Feronikelit.

“Po është zyrtare, Feronikeli do të luajë me ekipin e njohur Italian Milan”, ka thënë Krasniqi për Reporteri.net.

Kujtojmë se Reporteri.net ishte media e parë në vend që raportoi se ekipi i Milanit do të luajë me Feronikelin. /Reporteri.net/.