Macron: Franca e organizoi dërgimin e mijëra hebrenjve drejt vdekjes

Presidenti i Francës, Emmanuel Macron, e ka denoncuar bashkëpunimin e Francës në Holokaust, duke i kritikuar ashpër ata që e mohojnë apo minimizojnë rolin e vendit në dërgimin e dhjetëra mijëra hebrenj drejt kampeve të vdekjes.
Pasi ai dhe kryeministri i Izraelit, Benjamin Netanyahu, morën pjesë në përkujtimet e Holokaustit, Macron po ashtu bëri thirrje për ripërtëritjen e bisedimeve për paqe mes Izraelit dhe palestinezëve. I brengosur se Macron është duke ia kthyer shpinën përkushtimit për një zgjidhje për dy shtete, Macron e kritikoi ndërtimet e vendbanimeve hebre duke i quajtur kërcënim ndaj shpresave ndërkombëtare për paqe, transmeton Express.

Duke e përkujtuar 74 vjetorin e arrestimit në masë të hebrenjve gjatë kapitullit më të erret të historisë moderne të Francës, Macron insistoi se ka qenë vërtet Franca ajo që e kishte organizuar këtë.

As edhe një gjerman i vetëm nuk ishte i përfshirë drejtpërdrejt, ka thënë ai, por policia franceze bashkëpunoi me nazistët.

Të mbijetuarit e Holokaustit përkujtuan historitë e dhimbshme në një ceremoni pranë stadiumit Vel d’Hiv në Paris, ku policia i mblodhi 13 mijë persona më 16 dhe 17 korrik të vitit 1942, para se t’i dërgonte drejt kampeve. Më shumë se 4 mijë prej tyre ishin fëmijë. Më pak se 100 mbijetuan.

Ata ishin në mesin e rreth 76 mijë hebrenjve të dëbuar nga Franca drejt kampeve naziste.

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s’kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.