Një dramë e vërtetë u zhvillua sot në pistën e aeroportit të Sarajevës, kur konflikti shpërtheu midis pjesëtarëve të Policisë Kufitare dhe anëtarëve të sigurimit personale të Presidentit të Turqisë, Recep Tayyip Erdogan.
Siç transmetojnë mediumet lokale, incidentin e konfirmoi drejtori i Policisë kufitare të BeH-së, Zoran Galiq, i cili e lavdëroi profesionalizmin dhe reagimin e pjesëtarëve të Njësitit të policisë kufitare të BeH-së, duke theksuar se, megjithatë, gjithçka ka kaluar pa probleme.
“Ata të cilët vijnë në BeH duhet t’i respektojnë ligjet e BeH-së,e jo të tregojnë se janë mbi ta”, ka thënë Galiq, duke shtuar se anëtarët e presidencës së BeH-së kur udhëtojnë jashtë vendit çdoherë i respektojnë ligjet e shteteve tjera, raporton Klix.ba.
Deri tek incidenti erdhi në pistë, kur anëtarët e sigurimit të Erdoganit refuzuan të kalojnë nëpër kontrollin e rregullt të aeroportit.