Kryeministri Albin Kurti pritet t’i mbledh ministrat e tij në Qeveri për të diskutuar për programin qeveritar. Punëtoria që ishte menduar të mbahej në Prevallë, është anuluar për shkak të vendimit të Qeverisë Kurti për masat kufizuese anti-COVID.

Reporteri.net merr vesh se në ditët në vijim Kryeministri Kurti do t’i takoj ministrat e tij në Qeveri për të finalizuar Programin Qeverisës dhe Planin e Veprimit.

Në një përgjigje të mëparshme, Qeveri kishte njoftuar se punëtoria do të mbahej në Prevallë.

“Kabineti Qeveritar, secili anëtarë i tij, sipas përgjegjësive që kanë, është duke hartuar prioritet sektoriale dhe politikat që i përgjigjen atyre prioriteteve. Tanimë që u zgjodh edhe Presidentja e vendit, znj. Osmani, së shpejti, këtë javë apo javën tjetër, do të organizojmë një punëtori me kabinetin qeveritar, ngjashëm sikurse gjatë Qeverisë Kurti I, në të cilën do të finalizohet Programi Qeverisës dhe Plani i Veprimi”, thuhet në përgjigje.

Një takim i ngashëm ishte mbajtur më 29 shkurt të vitit 2020 në Prevallë.