Shembull të shkëlqyer për angazhim me komunitete, e quajti Eurodeputetja, Viola von Cramon, Kryetarin e Komunës së Pejës, Gazmend Muhaxherin, derisa vizitoi komunitetin serb të Kosovë në një fshat të Pejës, shkroi ajo në Twitter, raporton gazeta online Reporteri.net.
Cramon, tha se të vizitosh serbët në jug të lumit Ibër, është mënyra më e mirë për të dëgjuar për problemet e tyre.
“Vizita e serbëve të Kosovës në Gorazhdevac dhe pjesë të tjera në jug të lumit Ibër dëshmon nevojën për t’i dëgjuar ata dhe nevojat e tyre sepse ndjehen të lënë anash. Sidoqoftë, Kryetari i Pejës është shembull i shkëlqyeshëm se si serbët lokalë dhe komunitetet tjera mund të angazhohen lehtë në punë në Kosovë”, ka shkruar Cramon.
Visiting #Kosovo Serbs in #Goraždevac & other places south of #Ibar proves the need to listen to them & their needs as they feel left out from all.
Yet, Mayor of Peja/Peć is a great example how to engage with the local #Serb & other communities which could work easily across 🇽🇰. pic.twitter.com/1tgiQKwZkl
— Viola von Cramon 🇺🇦🇪🇺 (@ViolavonCramon) October 25, 2022
Muhaxhiri mori pjesë gjithashtu edhe në shugurimin e kryehierarkut të Kishës Ortodokse Serbe në Patriarkanën e Pejës, gjë që u mirëprit nga serbët lokalë dhe nga disa media serbe. Rada Trajkoviç, Kryetarja e Lëvizjes Evropiane të serbëve të Kosovës, e quajti “veprim të guximshëm dhe për t’u duartrokitur” pjesëmarrjen e Muhaxherit në shugurimin e patriarkut./Reporteri.net/