Presidenti i Kosovës ka thënë se familjarët e Albulena Haxhiut, ministres në detyrë të Drejtësisë janë të involvuar në kontrollin e laboratorëve të drogës.

Thaçi në intervistën e dhënë sonte për Debat Plus tha se për këtë arsye ministrja Haxhiu duhet të hetohet nga organet e drejtësisë.

“Kurti dhe grupi i tij duhet të përballen me drejtësinë për shkak të aktiviteteve të tyre jo ligjore. Ju e dini të gjithë dhe gjithë opinioni çfarë aktivitetesh jo ligjore kanë ndodhur në Ministrinë e Shëndetësisë me keqpërdorimin e dhjetëra miliona euro nga ministri Vitia dhe ekipa e Kurtit gjithashtu bërja publike e involvimit direkt dhe familjarëve të saj edhe në kontrollin e laborantëve të drogës nga Albulena Haxhiu ministre e Drejtësisë, imagjino është shqetësuese dhe përtej çdo limit. Ajo dhe familjarët e saj”, ka thënë Thaçi në intervistën e dhënë sonte në Debat Plus.

Ndërkohë pas kësaj interviste ministrja Haxhiu ka paralajmëruar padi ndaj Thaçit derisa e ka quajtur shpifës.