“Doktor Mentor na pikëllove shumë”, Ramush Haradinaj reagon pas vdekjes së mjekut Salihi

Kreu i Aleancës për Ardhmërinë e Kosovës, Ramush Haradinaj, ka reaguar pas vdekjes së mjekut Mentor Salihi, i cili vdiq pas lëndimeve të marra nga aksidenti i para një jave mes një veture dhe autoambulancës ku ndodhej.

Haradinaj ka publikuar një foto me Salihin kur ai ka qenë fëmijë, derisa ka thënë se lajmi për vdekjen e tij i pikëlloi shumë, shkruan Gazeta Online Reporteri.net.

“Doktor Mentor na pikëllove shumë. U prehsh në paqe!”, ka shkruar Haradinaj.

Aksidenti i rëndë kishte ndodhur në lagjen Dardania (Piskotë), mes autoambulancës dhe një veture te tipit Golf.

Në mjetin e ambulances kanë qenë vozitësi Skofiar Gjini, i cili ka ndërruar jetë, doktori Mentor Salihu, infermieri Faton Brahimaj dhe pacienti Zef Dula.