Hoxha nga Mitrovica, Fatmir Latifaj, tha dje për media se në rast se mbyllen xhamitë, Qeveria do të përballet me popullin.

Kjo deklaratë u konsiderua si një nxitje e qytetarëve ndaj Qeverisë.

Por, Latifaj ka sqaruar qytetarët se nuk e pati fjalën për revolucion.

Ai ka potencuar se e kishte shprehur pakënaqësinë me idenë e mbylljes së xhamive për Ramazan.

“Nëpërmjet këtij shkrimi desha t’iu saqarohna dashamirëve të popullit tim qe i dua shumë dhe i respektoj që gjoja unë hoxhë Fatmir Latifaj kam bo thirrje per revulocion a po të ngjajshme nuk janë të verteta andaj iu rikujtoj të gjithëve se unë si njeri paqësorë dhe pajtimtarë nuk e ndërroj misionin tim për asgjë tjeter këtë botë andaj iu lutem t’a keni të qart që kam shpreh paknaqësi në rast që mbyllen xhamitë këtë e kam thanë edhe këtë e kam pas për qellim e asnjëhere dhe në asnjë rrethan ndryshe jo!”, ka thënë Latifaj.

Ndryshe, Qeveria ka ashpërsuar masat anti-Covid ditët e fundit, ndërkohë që po flitet për mundësinë e mbylljes së xhamive.