Historia e 90 vjeçarit nga Mitrovica që nuk u martua kurrë: Atëherë dojshin pare, unë s’kisha

Në ditët e sotme, çiftet shqiptare shpenzojnë shuma të mëdha parash për organizimin e dasmës së tyre, mirëpo dikur mungesa e parave për të paguar familjen e nuses mund të kushtonte me beqari të përjetshme.


I tillë është rasti i 90 vjeçarit nga Kovaqica e Mitrovicës i cili nuk është martuar asnjëherë. Ai në një rrëfim për T7, fajëson familjen e tij për faktin që ka mbetur beqar deri në fund të jetës, shkruan Reporteri.net.

“Atëherë kanë lypë pare, pare nuk kemi pasë e kemi mbetë”, thotë ai.

Rexhepi rrëfen se ai është i vetmi nga familja që ka mbetur pa martuar, ndërkohë që nuk e mohon faktin se një kohë ka pasur simpati për dikënd, mirëpo bashkimi me të ka qenë i pamundur.

Sipas Rexhepit, ndonëse kanë jetuar në kushte të vështira financiare, familja asnjëherë nuk janë interesuar që t’ia sigurojnë paratë për t’u martuar.

Pengu më i madh Rexhepit megjithatë i ka mbetur pamundësia që ta shijojë ndjenjën e të qenit prind.

Rexhepi, për të cilin tani kujdeset guraja e vëllait me fëmijët e saj, asnjëherë nuk e ka humbur dëshirën dhe vullnetin për jetë. Ai vazhdon ta dojë jetën deri në frymën e fundit./Reporteri.net

Më poshtë ndiqeni rrëfimin e tij:

#GJESI

Gepostet von Gazeta Express am Mittwoch, 10. April 2019