Ambasadori i SHBA-së në Ksoovë, Philip Kosnett, është takuar me të Dërguarin Special të BE-së për dialogun Kosovë-Serbi, Miroslav Lajcak.
Kosnett ka thënë se BE-ja e ka mbështetjen e plotë të SHBA-së në ndërmjetësimin e dialogut mes këtyre dy vendeve. Ai po ashtu shtoi se qëllimi i këtij dialogu do të jetë një zgjidhje gjithëpërfshirëse dhe integrim më i thellë për të dyja vendet.
“Në takimin e sotëm me Miroslav Lajcak, riafirmova mbështetjen e SHBA-së për një bashkëpunimi, për dialogun, të udhëhequr nga BE-ja. Qëllimi ynë: një zgjidhje gjithëpërfshirëse dhe integrim më i thellë Euro-Atlantik nga e cila përfitojnë të gjithë qytetarët e Kosovës dhe Serbisë”, shkroi Kosnett.
Lajcak po qëndron në Kosovë në një vizitë tre ditore ku do të takohet me liderët politikë të vendit.
Ai është takuar sot me liderin e VV’së, Albin Kurti. Lajcak nuk ka folur për medie pas takimit. Kurti në anën tjetër tha se nuk është lëkundur nga qëndrimet e tij se dialogu nuk është prioritet i tij.
At today’s meeting with EUSR @MiroslavLajcak, reaffirmed U.S. support for a collaborative, EU-led dialogue process. Our goal: a comprehensive settlement and deeper Euro-Atlantic integration that benefits all Kosovo and Serbian citizens. pic.twitter.com/Sc0ddcv40K
— Ambassador Philip S. Kosnett (@USAmbKosovo) March 1, 2021