Edhe tre javë në Kosovë do të fillojë viti i ri shkollor, dhe ndonëse kjo periudhë po afrohet, ministria e Arsimit po kritikohet për mungesën e një plani për formën e mbajtjes së mësimit.

Kryeministri Avdullah Hoti, përmes një postimi në Facebook, ka thënë se ministria bashkë me IKSHP-në janë duke përgatitur udhëzuesin për organizimin e vitit të ri shkollor, shkruan Reporteri.net.

Sidoqoftë, Hoti ka thënë se vendimi final për hapjen e shkollave do të ndikohet nga gjendja epidemiologjike.

Postimi i Hotit:

Në përputhje me vendimin e Qeverisë të datës 28 korrik 2020, MASH dhe IKSHP po përgatisin udhëzuesin për mënyrën e organizimit të vitit të ri shkollor nga 1 shtatori. Po studiohen përvojat e vendeve të tjera.

Sigurisht se vendimi final për hapjen e shkollave do të ndikohet nga gjendja epidemiologjike.

Në procesin e vendimmarrjes do të përfshihen plotësisht komunat, të cilat do të kenë përgjegjësi që të zbatojnë udhëzimet. Gjatë javës që vjen, do të jemi në kontakt me kryetarët e komunave dhe drejtorët për arsim për të diskutuar modalitetet e mundshme të fillimit të vitit shkollor.

Jemi duke shqyrtuar edhe platformat e ndryshme të ndihmesës për stafin mësimdhënës dhe nxënësit, sidomos në organizimin më të mirë të punës praktike në arsimin e mesëm profesional.

https://www.facebook.com/avdullah.hoti/posts/3528610087200320?__xts__%5B0%5D=68.ARDwD_RjKhcISfCVlb68AsGjj6pNwPDmW3ewNWewV_IoFpC5ZdMdr3PHHRzPaSvECBCjXQzbDSonH_0EzeTN64WjqoMPONVB9rSHjFaDbhmX4UQo3AUPyafdYXPG8A9vKmQsenxFTvawM-wNZUz3kZHE-bqOYEFP0PnFDNxSxhOX0lmEMmq3qpMHHFUEu6eOr8PTw6sRIMIeMM05vCjShDyF8ZZuzrasesdhUUInvgXhaR29aY4TuhwTlWynlWSEMKgcd_byGsLzALjelf0uu3Tu6aKhi7MAOfZTVRJa8e4FbshCAjJJ-fOP_xTN-FNkl6ynQSVUbBOkLFTAKD52oA&__tn__=-R