Drejtoria për Hetimin e Krimeve Ekonomike dhe Korrupsionit ka ngritur kallëzim penal ndaj zyrtarit të Ministrisë së Punëve të Brendshme Riza Alshiqi për keqpërdorim të detyrës zyrtare.

Sipas njoftimit të Policisë, i dyshuari duke përdorur autoritetin zyrtar, dyshohet të ketë shfrytëzuar parkingun e ministrisë për veturat e kompanisë private “Rent a car”, shkruan Gazeta Online Reporteri.net.

“I dyshuari duke përdorur autoritetin zyrtar (zyrtar i lartë për monitorimin e transportit qeveritar në MPB), dyshohet se që nga viti 2020, ka shfrytëzuar parkingun e ministrisë për veturat e kompanisë private ‘…renta car’.”, thuhet në njoftim.

Kush është Riza Alshiqi, zyrtari i pezulluar nga MPB-ja për dallavere me biznesin e tij “Rent a car”

Policia njofton se kanë siguruar dëshmi gjatë punës hetimore se i dyshuari në vazhdimësi ka kryer veprën penale.

Sipas njoftimit, i dyshuari është intervistuar, dhe ndaj tij është iniciuar rasti “Keqpërdorim i pozitës apo autoritetit zyrtar”. Me aktvendim nga prokurori kompetent, rasti do të vazhdojë në procedurë të rregullt.

Në muajin prill, ministri i Punëve të Brendshme njoftoi se ka pezulluar nga puna Riza Alshiqin dhe pesë zyrtarët e tjerë të përfshirë në këtë rast.

Po ashtu, Sveçla  njoftoi se do të iniciojë auditim të jashtëzakonshëm për shfrytëzim të këtij parkingu./Reporteri.net./

Njoftimi i plotë: