Inspektorati Komunal i Kamenicës bashkë me Policinë e Kosovës kanë vendosur disa letra në dy objekte shkollore me përmbajtje “Mbyllet përkohësisht”.

Prindërit dhe nxënësit e shkollave në Busavatë dhe Karaçevë tē Poshtme kanë dalë kundër tyre dhe në shenjë proteste nxënësit u nxitën që t’i heqin ato, njofton Klan Kosova.

Disa zyrtarë të komunës kanë thënë shkurt për Klan Kosovën se arsyeja e vendosjes së këtyre letrave është për shkak të kushteve sanitare.

Prindërit janë ankuar se nuk mund t’i dërgojnë nxënësit në Kamenicë për shkak të largësisë.