Presidentja e vendit, Vjosa Osmani do të takohet sot me të dërguarin e Shteteve të Bashkuara për Ballkanin Perëndimor, Gabriel Escobar.

Kjo është bërë e ditur nga Zyra e Presidencës.

Ky takim do të nisë në orën 14:30, ndërsa mediat lejohet të marrin pamje në fillim të takimit.

“Në orën 14:30, Presidentja e Republikës së Kosovës, Vjosa Osmani- Sadriu pret në takim zëvendës Ndihmës Sekretarin e Shtetit të SHBA-ve, njëherësh të dërguarin amerikan për Ballkanin Perëndimor, Gabriel Escobar”, thuhet në njoftim.

Pas takimit me Osmanin, Escobar do të takohet me kryeministrin Kurti në orën 16:30.

“Kryeministri i Republikës së Kosovës, Albin Kurti pret në takim Zëvendës Ndihmës Sekretarin për Çështje Evropiane dhe Euroaziatike, Gabriel Escobar”, thuhet në njoftimin e ZKM-së.

Bashkë me Escobarin, në Prishtinë ishte e planifikuar të udhëtonte edhe këshilltari i DASh, Derek Chollet, por i njëjti e ka anuluar vizitën pak orë para nisjes së një turi në Ballkan, shkruan gazeta online Reporteri.net.

Në Prishtinë, amerikani përveç shefave të shtetit kishte planifikuar të takonte të martën edhe shefat e opozitës në Kosovë. /Reporteri.net/.