Policia e Kosovës me autorizim të prokurorisë kompetente ka kërkuar ndihmën e qytetarëve në ofrimin e informative që do të ndihmonin në arrestimin e dy personave të dyshuar për veprën vrasje e rëndë që ka ndodhur mbrëmë në Prishtinë, përcjell Reporteri.net. 

Sipas policisë, të dyshuarit janë Ahmet ( Ali) Berisha dhe Naim (Ali) Berisha.

“Ndonëse janë ndërmarrë një sërë veprimesh nga ana e policisë, kërkimi i vazhdueshëm, bastisja e disa lokacioneve etj. personat e dyshuar vazhdojnë të ndodhen në arrati, andaj për çdo informatë që mund të çojë në identifikimin e vendodhjes së personave të dyshuar na kontaktoni direkt në:

E-mail: info@kosovopolice.com

Facebook: https://www.facebook.com/KosovoPolice/

Android #app: Lajmero Policine

Tel: 192”, thuhet në njoftimin e policisë.

Si pasojë e gjuajtjeve me armë në Prishtinë kanë humbur jetën dy persona.

Përleshja mes dy grupeve në Prishtinë, 48 vjeçarja që vdiq ndodhej në veturë pranë shtëpisë së saj kur u qëllua me armë zjarri

Ndërkaq, ka vdekur në QKUK gruaja e cila u plagos mbrëmë gjatë konfrontimit të dy grupeve në rrugën “Jeronim de Rada” në Prishtinë, ku një person mbeti i vdekur.

Lajmin e ka konfirmuar për Gazetën Online Reporteri.net, shefi i intensivës në QKUK, Shaqir Uka.

“Fatkeqisht nuk ka arritur t’i përballojë plagët që ka marrë nga lëndimi dhe ka ndërruar jetë sot në ora 10:45”, tha Uka për Reporteri.net.

Vdes gruaja që u plagos mbrëmë nga gjuajtjet me armë në Prishtinë