Partia Socialdemokrate e drejtuar nga Dardan Molliqaj sot organizon protestë kundër shtrenjtimit të rrymës.

Protesta do të nis në ora 14:00.

PSD mbrëmë ka publikuar në faqen e saj në Facebook fletushkat me të cilat do të protestojnë në qendër të Prishtinës, ndërsa ka shkruar “Ne jemi gati, po Qeveria”.

Por PSD duket se do të jetë e vetmuar në këtë protestë, pasi partitë opozitare kanë deklaruar se nuk do të marrin pjesë, shkruan Reporteri.net.

Edhe Grupi i qytetarëve të organizuar nën parullën “Asnji cent ma shumë” është distancuar nga protesta e sotme e organizuar nga PSD, pasi thonë se kjo parti ka vendosur posterë të ndryshëm në Prishtinë që u bëjnë thirrje qytetarëve për protesta pa vendosur ndonjë logo të organizatorëve.

Kujtojmë se Zyra e Rregullatorit të Energjisë ka propozuar që të rikthehen bllok-tarifat e energjisë duke propozuar që çmimi i energjisë për ata që konsumojnë mbi 600 kWh të dyfishohet. /Reporteri.net/.