Nënkryetari i LDK’së, Agim Veliu, e ka cilësuar për dallim nga Vjosa Osmani e cila tha se oferta e VV’së është një hap drejtë marrëveshjes, këtë ofertë e ka cilësuar si tentim për ta nënshtruar e nënçmuar LDK’në.
Ai ka thënë se oferta e VV’së është përpjekje për pushtet absolut.
“Angazhimi dhe veprimet e ditëve të fundit të VV-së nuk janë një përpjekje serioze për ndërtimin e institucioneve dhe arritjen e marrëveshjes me LDK-në për të bashkëqeverisë mbi bazën e fuqisë së votës. E tërë kjo është një përpjekje e VV-së për pushtet absolut dhe për ta nënshtruar e nënçmuar LDK-në, duke provuar t’ia nëpërkëmbin dinjitetin”.
Për më tepër Veliu ofertën e VV’së e ka vlerësuar edhe si kërkesë që ish’partia e Ibrahim Rugovës, të distancohet nga rugovizmi.
“Madje, kërkesat e sotme të VV-së shkojnë edhe më larg, në synimin e tyre që LDK të shkëputet nga e kaluara e saj europiane dhe euroatlantike. Nga cila e kaluar duan ata të shkëputemi? Mbase duan që të distancohemi edhe nga rugovizmi. Kjo përpjekje e tyre sigurisht që është e dështuar dhe nuk duhet ta ndihmojë askush prej nesh”, ka thënë në fund Veliu. /Reporteri.net.