Një veprim i turpshëm ka ndodhur nga dy të rinj mitrovicas, veprim i cili edhe është xhiruar me telefon.
Në video e cila është shpërndarë në rrjetet sociale, shihet se si dy të rinj i vënë flakën një qenushi, i cili nga tmerri ikën me vrap, shkruan Reporteri.net.
Të rinjët janë arsyetuar, pasi thanë se ky qenush kishte koronavirusin.
Për më tepër ata e incizojnë qenushin derisa ikën, dhe dëgjohen duke qeshur me veprimin e tyre, pa dyshim të turpshëm.
Ndërkaq, pak çaste më parë janë siguruar edhe bisedat në Viber, ku mes tjerash thuhej se qenushi kishte koronaviruisn.
Njëri prej të dyshuarve, i identifikuar me emrin Blend, i ka thënë një aktivisti të të drejtave të kafshëve se “qeni ka pasur koronavirus”.
Kujtojmë se në një konferencë për shtyp të premten, ministri i Shëndetësisë, Arben Vitia, kërkoi nga qytetarët të jenë të kujdesshëm në kontakte fizike me kafshët.
“Nëse keni kafshë shtëpiake largoni ato apo keni shumë kujdes”, u shpreh Vitia.