Mbi 1200 punonjës së bashkisë Shkodër dhe institucioneve në varësi të saj nuk kanë marrë ende pagën e muajit.
Ata kanë denoncuar përmes Ora News, duke thënë se pagat janë vonuar 18 ditë nga afati që i marrin çdo muaj. Ata kanë bërë kërkesë, por asnjë institucion nuk i ka sqaruar.
Ora News ka kontaktuar me drejtues të bashkisë Shkodër, të cilët thonë se vonesa ka ardhur për shkak se ka kaluar me vonesë buxheti nga prefekti.
Të mërkurën kryebashkiakja e ka firmosur shkresën dhe ka kaluar në thesar dhe tashme pritet qe të përmbyllen procedurat nga thesari për tu bërë kalimi. Por punonjësit do të duhet të presin edhe disa ditë.