Leotrim Gashi ishte njëri nga futbollistëtë më meritorë për inkuadrimin e skuadrës nga Prizreni A&N në Ligën e Parë

A&N dje edhe zyrtarisht siguroi kalimin në Ligën e Parë pas vendimit të FFK-së për pezullimin e garave në Ligën e Dytë shkaku i pandemisë COVID-19, shkruan Reporteri.net

Klubi nga Pirzreni pas 17 xhirove ishte në vendin e dytë me 41 pikë, aq sa kishte edhe Kika.

Kjo skuadër gjatë 17 xhirove shënoi 13 fitore, dy barazime dhe dy humbje, duke shënuar 36 gola dhe pranuar vetëm 11.

Nga këto 36 gola, 14 prej tyre i ka shënuar sulmuesi Leotrim Gashi që pati një sezon fantastik me skuadrën prizrenase.

Gashi që më parë ka veshur edhe fanellën e Ballkanit të Suharekës këtë sezon ishte i pandalshëm ku përveç golave ka dhuruar edhe asiste për bashkëlojtarët e tij.

Në videon e mëposhtme mund t’i shihni disa nga golat që Gashi shënoi këtë edicion me skuadrën simpatike nga Prizreni. /Reporteri.net/