Hidhet shorti në Carabao Cup: Këto janë çiftet çerekfinaliste

Mbrëmë përfunduan ndeshjet e 1/8 në Carabao Cup, ndërsa sot është hedhur shorti për ndeshjet çerekfinale


Klubet e mëdha si Liverpool, Man City, Man Utd do të kenë punë të lehta në fazën e ardhshme të Carabao Cup, shkruan Reporteri.net

Liverpooli që dje eliminoi Arsenalin në një ndeshje ku pati 10 gola dhe fituesi u desh të përcaktohej vetëm pas penalltive do të luajë në udhëtim te Aston Villa.

Klubet nga Mançesteri kishin fat me City që do të luajë me Oxfordin, ndërsa Unitei me Colchesterin.

Ndeshja tjetër çerekfinale është ajo ndërmjet Evertoni dhe Leicesterit. /Reporteri.net/