Pasi ka shkruajtur historinë në fushën e tenisit, Rafael Nadal ka kurorëzuar në martesë dashurinë me Maria Francisca Perello.
Fituesi i 19 Grand Slame ka zgjedhur kështjellën “Sa Fortalesa” për të mbajtur ceremoninë fetare, një kështjellë që daton nga shekulli i 17-të në Zona e Pollencës, në veri të ishullit të Mallorca. Perello i kishte besuar firmës së njohur Rosa Clara për fustanin e saj të dasmës, ndërsa Nadal u vesh me Brunello Cucinelli.
Tomeu Catala, një mik i ngushtë i familjes, ishte prifti që kurorëzoi në martesë dashurinë e çiftit, teksa në ceremoni morën pjesë ish-mbreti i Spanjës, Juan Carlos I, këngëtari, Julio Iglesias, si dhe tenistët, Feliciano Lopez, David Ferrer dhe Marc Lopez.