Elbasan Rashani është larguar nga futbolli norvegjez pas disa viteve të kaluara aty.

Sulmuesi i Kombëtares së Kosovës karrierën do ta vazhdoj në futbollin turk tek skuadra Erzurumspor.

27-vjeçari u largua nga skuadra norvegjeze Odds BK pas një kohe të gjatë, pasi i kishte skaduar kontrata.

Edhe pse kishte disa oferta, Rashani vendosi që karrierën ta vazhdoj te Erzurumspor.

Ai tani ka mbërritur në Turqi ku Erzurumspor i ka shprehur mirëseardhje, teksa zyrtarizimi i tij dhe prezantimi tek ekipi i ri bëhet gjatë ditës së sotme.

Reprezentuesi kosovar kësisoj bën një hap të madh në karrierën e tij, ndërsa synimi i tij është ta ndihmojë Erzurumin për t’iu shmangur rënies.

Gjithsesi detajet e kontratës dhe ato financiare ende nuk janë bërë të ditura.

https://twitter.com/Erzurumspor_Net/status/1353117144570089472?ref_src=twsrc%5Etfw%7Ctwcamp%5Etweetembed%7Ctwterm%5E1353117144570089472%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Frashani-transferohet-ne-superligen-e-turqise-sot-pritet-prezantimi-zyrtar%2F