“Super e diela sportive” mund të quhet dita e sotme.

Në program për sot janë katër super derbi të futbollit evropian, shkuran Reporteri.net.

Gjithçka fillon në ora 16:15 me “El Classicon”, Barcelona-Real Madrid. Dy gjigantët e La Ligas përballën për herë të parë këtë sezon.

Real Madrid në dy ndeshjet e fundit nuk ka shënuar fitore në La Liga, kurse Barcelona fitoi 3:1 kundër Valencias. Ndeshja zhvillohet në stadiumin “Camp Nou”.

Pastaj, në 17:30, do të zhvillohet derbi më i madh në Angli mes Manchester United dhe Liverpool.

United nuk ka shënuar fitore në 3 ndeshjet e fundit, kurse Liverpool është e pamposhtur ende në Premier Ligë pas 8 gjirove.

Në ora 20:45 fillojnë dy super ndeshjet e radhës. Në Itali luhet ndeshja mes Interi dhe Juventusit, kurse në Francë, derbi i vjetër mes Marseilles dhe PSG-së.

Juventusi është në top formë, në 4 ndeshjet e fundit ka 4 fitore në Serie A, kurse Interi në 3 ndeshjet e fundit ka 1 fitore.

Marseille po kalon në fomë të mirë këtë sezon dhe gjendet në pozitën e 3-të, kurse PSG është në formë fantastike në Francë, ku pas 10 ndeshjeve ka 9 fitore dhe vetëm 1 humbje./Reporteri.net/