Qeveria 'Rama': Si ka ndryshuar salla e Kryeministrisë (FOTO)

 

 

Një nga veprimet e para që mori Z. Rama bashkë me mandatin për të krijuar qeverinë ishte rimodelimi i sallës së mbledhjeve të Kryeministrisë (ndryshimi në foto). Në mbledhjen e parë të Qeverisë së re u mor vendimi që portreti i Presidentit të zëvendësohet nga Ismail Qemali në të gjtiha institucionet shtetërore.
Në sallën e mbledhjeve, tavolina ovale është lyer në ngjyrë të kuqe, po ashtu dhe moketi është i kuq. Vendosja në tavolinë është ndryshe nga ajo e qeverisë së mëparshme. Rama është ulur në krahun e djathtë të tavolinës së qeverisë, ndërsa ka në krah zv.kryeministrin Peleshi dhe ministren e Integrimit të LSIsë, Klajda Gjosha. Në qendër të hapësirës që krijon tavolina ovale, ishte vendosur një hartë e vjetër e Europës, për të cilën Artan Lame, njëri nga ideatorët e këtij ndryshimi (bashkë me Artan Shkrelin) shpjegoi për “Panoramën” se është një imazh i idealizuar i Europës së shekullit XVI, ku shtetet janë vendosur në një femër të shtrirë dhe mes të cilëve shquhet dhe Shqipëria (Albania). Kjo hartë, shpjegon Lame, ishte harta kryesore e ekspozitës së hapur në Bruksel dhe që tërhoqi vëmendjen e vizitorëve që dallonin Shqipërinë si pjesë të Europës ndër shekuj.

Ndalohen komentet që përmbajnë gjuhë denigruese dhe fjalë ofenduese ndaj individëve dhe ndaj grupeve specifike, si dhe komentimet që s’kanë të bëjnë me artikullin. Reporteri.net mban të drejtën e fshirjes së komenteve që thyejnë rregullat e komunikimit.